網紅的藏寶箱
今日我對何詩蓓好有信心，肯定佢會入決賽，最後真係不負眾望，仲游出52秒40破埋亞洲紀錄，氣勢如虹，順利殺入聽日女子100自決賽。🏊
無去到游泳館，就去支持港隊羽毛球混雙鄧謝配對世界排名第一、國家隊嘅鄭思維／黃雅瓊。之前對陣8次，港隊只能贏到一場。最後鄧謝配水準唔夠穩定情況下不敵對手，聽日將會火拼日本組合🇯🇵 渡邊勇大／東野有紗。呢場我自己覺得兩位港將喺有受到「球衣風波」影響，力不從心。
依家大家好容易可以喺網上表達自己情緒，牽一髮而動全身。但想講乜嘢，Post乜嘢真係要諗過先。🤔就等於爸爸媽媽如果成日鬧仔女，對佢成長會有好大陰影。😟
香港體育傳媒文化喺表達上比起歐美🇬🇧🇺🇸透明度無咁高或者話題性未必咁大。。呢個有機會將來可以同大家講吓。🔊
睇完羽毛球之外都去咗東京體育館睇乒乓球四強來自中華台北「沈默殺手」林昀儒對世界排名第一，國家隊嘅樊振東。最後年僅19歲嘅昀儒苦戰7局惜敗，賽後轉轉Channel都同兩位傾咗計。
羽毛球同乒乓球比賽喺疫情下有個共同點，氣氛一樣冷清。😔
最後我想講大家一定喺今年奧運認識多咗香港運動員🇭🇰，見到佢哋攞獎牌當然興奮，但佢哋輸咗，更需要我哋支持，唔好做勝利球迷，要運動成為產業，我哋更需要「穩定」嘅球迷。🔥💪🏻
唔係改人命，但係周星馳對我影響好大，如果Siobhan聽日攞到金牌🏅️，我會諗起何金銀 ！！！🔥🔥🔥🔥集氣啊！
#何詩蓓 #鄧俊文 #謝影雪 #唔好亂UP #東京奧運 #港台電視 #TokyoOlympics #體壇無極限 #搏盡無悔 #香港運動員加油 #加油香港 #團結就是力量 #搭巴士搭幾個鐘
#集氣區 💪🏻💪🏻
Search